خلّيكن معنا، تنتعرّف سوى عَ "أريد"!
أخويّة طلائع العذرا حدّدت أهداف واضحة وهي:
السعي للقداسة – الإعلان عن الإيمان المسيحي – الشهادة للشراكة الكنسيّة – تبنّي أهداف الكنيسة الرسولية – المساهمة في إنماء المجتمع البشري
كلّ هالأهداف بتشكّل مشروع حياة كلّ طلائعي، بكوّنو تدريجيًّا من خلال التزامو الكنسي، وتعمّقو بالكتاب المقدس ومعرفتو لتعليم الكنيسة الكاثوليكيّة.
منشان هيك اختارت اللّجنة الإقليميّة لأخويات طلائع العذراء بإقليم جونية تلتزم بتنشئة دايمة، بتعتمد عالجهد الشخصي والفردي. ولهالسبب، اشتغلت عبرنامج تنشئة فردي منظّم، بيرتكز على قراية 3 كتُب:
الكتاب المقدس – كتاب التعليم المسيحي الكاثوليكي للشبيبة YOUCAT – وقانون رابطة الأخويّات.
هالبرنامج بيستند على إرادة كلّ طلائعي وطلائعيّة ليثبّت علاقتو بالله يلّي بتطلّب منّو معرفة للكِتُب المقدّسة وتعليم الكنيسة. هالإرادة بتنبع من الإلتزم المسيحي أوّلاً ، والإنتماء لأخويّة الطّلائع ثانيًا.
"أريد" برنامج لكلّ طلائعي وطلائعيّة، بساعدو للوصول لهالأهداف، وبشجّعو على الثبات بنموّه المسيحي,
- حِلو كتير، قلي كيف بطبّقو؟
بيتألّف كتاب التّنشئة "أريد" من 50 فقرة، بتتضّمن كل وحدة منا أسئلة من الكتاب المقدس ومن تعاليم الكنيسة، وأكيد بالإضافة لأسئلة من قانون رابطة الأخويّات بكلّ مرحلة.